„Ob du denkst, du kannst es oder denkst, du kannst es nicht – du wirst auf jeden Fall recht behalten!“ Henry Ford

Bonjour, schéin, dass Dir den Wee ob meng Website „Zefriddenheetsanker“ fonnt huet.

Wann Dir wëllt géif ech Iech gären dobai ënnerstëtzen dat Liewen ze liewen dat Dir Iech wënscht an och verdéngt! Eis Gedanken hunn een onheemlech groussen Afloss op eist Wuelbefannen, dat ass villen Mënschen „nach“ net bewosst. An Gedanken kann een beaflossen, an ech kann Iech ënner anerem weisen, wéi!

An den Eenzelsëtzungen notzen ech gären verschiddenen Techniken aus der Psychotherapie (Verhalenstherapie), Sportpsychologie, Hypnostherapie an aus dem Coaching, déi an der Kategorie „Methoden“, kuerz beschriwwen ginn. D´Offer riicht sech un Erwuessener, Persounen iwwer 18 Joer.

Wann Dir Iech fir een Rendez-vous bei mir entscheed, kënnen mir zesummen kucken, wéi eng Techniken, wéi eng Kombinatioun vun Techniken Iech am beschten hëllefen kéinten. Dir kennt mech gären iwwer Telefon ënner: +352 621 66 42 11 oder iwwer E-Mail: moien@zefridden.lu kontaktéiren.

Ech géing mech immens freeën Iech kennen léieren an ënnerstëtzen ze dierfen!

Häerzlech Gréiss,
Hoffmann Katrin


Aktuelles

Beweegen fir déi mental Gesondheet

Ganz nom Motto „zesummen beweegen fir déi mental Gesondheet“ ginn reegelméisseg gratis Spadséiergäng ugebuedenen. An der Ëmgéigend vun Dikrech oder Miersch. Déi genau Adress kritt Dir dann per E-Mail geschéckt. 

Et ginn schonn vill Beweiser dofir, dass déi psychesch Gesondheet duerch Beweegung positiv beaflosst gëtt, an mir wëssen, zesummen ass et souwisou méi flott. 

Jiddereen den well an sech fit genuch fillt fir ongeféier 50-60 Minutten (3-4 km) spadséieren ze goen ass häerzlech agelueden dobäi ze sinn. Falls Dir Interesse huet, dann mellt Iech gären per E-Mail: moien@zefridden.lu

Alternativ zu der Praxis

Eenzelcoaching an der Natur (Ëmgéigend Dikrech oder Miersch) ass och méiglech, bei Interesse gären einfach mellen per E-Mail: moien@zefridden.lu